رد جواب هريدى من مرته بهيه بعد السلام والتحيه

رد جواب هريدى من مرته بهيه
بعد السلام والتحيه
مش مهم أى نجديه
المهم !نت يا ضى عنيا
عايش كيف
وأديلك بجالك شهرين
من غير نجديه
أبيعلك البهيمه !للى حدانا
وأبعتلك نجديه
بس ترجع يا هريدى
وحشت العيال وبهيه
يا خويا بلا غربه بلا نيله
!نت وسطينا بالدنيا
كفايا نفسك معانا
ونومتك وسطينا بالدنيا
!حنا لا عايزين عربيات ولا نجديه
الزرعيات نشفوا من بعدك
والبهيمه واخده على خاطرها شويه
متجولش صايمه عن الزاد
حتى لبناتها جلوا شويه
ومجلكش عن حال العيال
زى اليتامى يا واد عمى
من بعد جوابك ماتت جواهم
الفرحه جالوا خلاص مفيش
ولا فلوس ولا عربيه
أيه !للى خدناه من الغربه
الحال !تشجلب و!تجندل
والكيل طفح ومراره زاد شويه
وعتجول عليا فجريه
مش مهم يا واد عمى
جول زى مانت عايز
كأنك جولتلى عحبك يا بهيه
بس أرجع يا هريدى
بلدنا زينه بس لو خدنا بالنا منها شويه
لو كل واحد منينا
خاف عليها و!شتغل بجد
نبجوا أحسن ناس فى الدنيا
محنا حفرنا الجنال وبنينا السد
وجدودنا جبلينا بنوا الأهرامات
وللنهارده متهد منها جالب
ولا فى يوم هتتهد
كان فيه رجاله صح
عتكحت فى الأرض كحت
وعطلع منها الميه
النهارده عيكحتوا فيها كحت
وعيغوطوا فى الفحت
علشان يسرجوا الأثارات ويبعوها
وكل واحد عيهلب زى ماهو عاوز
كتر خير الدنيا
!رجع يا هريدى وحط !يدك فى !يدى
علشان نربوا العيال ونكبروهم
ويعرفوا !ن الله حج
مفيش غير الضمير والصدج
هما أحسن !تنين يوصلوا الأنسان للمجد
مستنينك يا واد عمى
!وعى تتأخر علينا
الحاله بجيت من غيرك زفت
تحيات بهيه الفجريه
يعنى مرتك !للى ما زيها حد

الأستاذ الجليل
الكاتب والمفكر الكبير
الأستاذ / محمد حسن كامل
بكل أسمى أيآت التقدير والتحيه والشكر الجزيل
أهديك سلامى مروى بماء النيل
ممزوج بعبق أصالة مصر وشعبها الأصيل
سلامى من كل المحافظات والكفور والنجوع والقرى والشوارع والأزقه والحارات من كل شبر من أرض مصر يهديك التحيه والسلام
وسلام خاص من هريدى وبيشكرك على دعوتكم الكريمه و!ن شاء الله
بعد أن يعود من غربته وبعد رؤيته لبهيه مرته وعياله المشتاقين لعودته سوف يرتدى جلباب السفر ويقوم بحجز تذكرة طيران !لى باريس تلبيه لدعوتكم الجميله أنتظرونى هريدى الصعيدى نقله كبيره من نجع الهرايده جبلى !لى باريس مدينة السحر والجمال والنور يا ترى ما هو الحال وماذا هناك يدور
مع خالص تحياتى
الشاعر / زغلول الطواب