جواب من هريدى لمرته بهيه مرتى بهيه كيفك ويا العيال

جواب من هريدى لمرته بهيه
مرتى بهيه كيفك ويا العيال
وجراطين الأرض والبهايم والزرعيات
نفسى أطمن عليكى
وعلى كل !للى حواليكى
طمنينى يا بهيه عتعشى العيال
ولا لسه الحال على كد الحال
أنى عارف يا حبيبتى بجالى شهرين
مبعتش نجديه
ضحكوا عليا يا بهيه
جالولى الغربه فيها فلوس كتير
هات !للى معاك من نجديه
ومالكش دعوه بحاجه
!حنا هنطلوعولك كل حاجه
الجواز وتذكرة السفر
وهناك هتجبض مرتب شهرين
تبجى تبعتهم للعيال
والعيشه هناك عال العال
كلها سنتين ولا حاجه
وترجع بفلوس كتير وعربيه
!تخبط فى راسى وبعت الأرضيات
وخدوا منى الفلوسات
وسفرونى وسبونى وضحكوا عليا
وأدينى بجالى شهرين
مشتغلتش حتى يوميه
!ستلفت كتير
من العفش والزين
ومن كتر الدين
الهم ركبنى وأثر فيا
معلش يا بهيه
كان عندك حج
بس أجول أيه
خلاص الفاس وجعت فى الراس
لابد أسد ولا أرجع وأهل التجع
يضحكوا عليا
!ستحملى يا مرتى شويه
يمكن الحال يتعدل
ويغزى العين الجويه
بس !نتى !دعيلى
يمكن ربنا يلطف بيا
وحشتينى والعيال وحشونى
وبدمع العين عكتبلك همومى
يمكن تعذرينى ومتلوميش عليا
سلام يا بهيه
معلهش المرادى بعتلك جواب فاضى
وخالى من النجديه
من جوزك هريدى يا بت
والله باين عليكى فجريه
وسنتك زى النيله البدريه

كل ده مايأثرش في المهم تكون صحتك عفيه انت مجوز من بلدك اجدعها وليه ولاتهمك اى بليه انى مامبطلاش شغل خليه هى بس فرحت فى عليه بس اناضربتها بعصايه الغليه كل يوم اصطاد سمكه واحطهاللعيال مقليه بس المرة الجايه ابعتلى نقديه انقط بيهااختى بهيه وبعدكده انت اللى فقرى واناقلت كده لامى من بدرى

متنشفيش راسك يا وليه
عتزودى عليا الهم يا فجريه
عتفكرينى بالصحه الجويه
مانتى عارفه هريدى كيف
عمره ما تعاطى الكيف
وصحتى هيه هيه
متخافيش أنى عاكل زين
وحجك محفوظ كتير مش شويه
المهم خلى بالك من العيال
ولونى فى الأكل شويه
يوم سمك مجلى ويوم شلولو
ويوم جدوه بشوية مرجه وتجليه
متستخسريش فيهم فروجه ولا بطايه
هتجوليلى الفروجه بياضه والبطه راجده
و!حنا أولى بالبيضات عيفرجوا علينا شويه
مالكيش صالح !عملى زى معاجولك
باين عليهم هفتانين أكليهم يا وليه زين
محدش ضامن هتعمل معاهم !يه الدنيا
والله عارفك !نتى زى مانتى فجريه وعنديه
على العموم أنى نازل كلها أيام وأدلى
حجزت تذكره على الجمعه الجايه ديه
حضرى نفسك هريدى جاى وحياتك يا بت
جاى وراكب عربيه
ربنا كرمنى بجرشين ماعرفيش جونى منين
رزجك ورزج العيال يا بهيه
فلوس كتير يا بت مش جليله ولا شويه
نزلت السوج ودبشت شوية حاجات
!شى بطاطين وعبايات وجمصان نوم
وشوية خلج من الجماش الزين للعيال
وعجله للواد عطيه
وبرويطه عشان الزرعيات
وشوية هدايا للجيران عشان تتسد عنيهم الجويه
يعنى كله تمام التمام وفرحى الولد كلهم بالعربيه
بس يا خساره هجعد معاكم كام يوم وبعديها
رايح على باريس عيجولوا جريبه من !سكندريه
معارفش فين بالظبط لكن !للى يسأل ميتوهش
جاتنى دعوه من راجل زين عايش هناك من سنين
وعارف عنها كل حاجه وهيعلمنى كل حاجه
بس !نتى متخافيش عليا باين عليا هغير رأيى فيكى
باين عليكى !تسبحتى وغسلتى منك الفجر شويه
!ضحكى للدنيا تضحكلك وجولى يا رب هو الرزاج
معينساش من خلجه حد حتى النمله ف بطن الحجر
ليها عند الله رزج
آخر الجواب أهديكم سلام ومليون تحيه
كلها أيام وأكون بيناتكم يا مرتى !جهزى عجولك
!سمعى الكلام هريدى جوزك جاى
سلام

مستنياك ياهريدى يارب يوصل بريدى
ومادام جبت العربيه يبقى غلاوتك زادت شويه
حبك بيجرى فى دمى فى شريانى ووريدى
الون ازاى فى الوكل وهو لون واحد
مايعلم بحالناالاانت وقبلك الواحد
ماتت البطة جاتها زغطة
والفرخه دبحناها لحقناها قبل الصرخه
ولاعدش فيه بيض من يوم مااتكسر القيض
ابقى هاتلى جلابيه اغيظ بيهاالبت عليه
وبهيه اختى حبلت هاتلها لجوزهاطاقيه
وكيف اسبح وانت مسافر حتى الميه الواحدمنهانافر
قبل ماتيجى هابقى نضيفه وهادعك بالحجرة والليفه
وباريس ديه مش الراجل اللى داعيك بتاع النسبه الذهبيه
مش ده الراجل اللى كل عصريه يطلعلك بنظريه
الواحدمش ملاحق ع افكاره حتى زويل مايجيش ذرة جاره
والله ده احلى هديه ودينها لباريس من اسكندريه
مستنياك ياهريدى بالفرحه بس المعادده معلش هاقابلك بالطرحه

هريدى وصل يا رداله
راكب عربيه كبيره جوى
وعيسوجها بنفسه سبحان العاطى
تيييييييت تييييييييييييت تييييييييييييييييييييييييييييييت
وسع يا ويلد !نت وهو وسختوا العربيه يخرب بيوتكم
...عيال فجاره متجولش مشفوش عربيات زينه واصل
لى لى لى ............ لى لى لى
زغاريت وزعيط ومعيط والنجع !تجلب و!تشجلب حاله
ومرات هريدى وعياله طايرين من الفرحه
أتلجوه بالباط وكان !ستجبال الفاتحين
بعد السلامات والتحيات !تفض المولد و!ستجرت الأمور
وهريدى وسط عياله فى داره والعربيه جدام المندره
وكل شىء على ما يرام
مرات هريدى جابت جوزين حمام ودبحتهم وعلجت على الكانون
وسلجتهم بعد ما حشيتهم فريك وسويتهم وجرطفت المولوخيه ووخرطتها
وكانت خابزه رغفان شمسى وكله تمام التمام
الوكل جاهز يا هريدى يلا !دى حس للعيال
جاعدين بره جدام المندره عيحرسوا العربيه جال فرحانين بيها
ربنا يخليك ليهم يا واد عمى ويخليك ليا
والله أصيله يا بهيه يا بت عمى ربنا يخليكى ليا
ودى كانت بداية التلميح للشوج الكامن داخل كل منهما
ومرت الأيام بسرعه وهريدى بيجهز للسفر !لى باريس
وخد بعضه وسافر على أسكندريه يسأل باريس تبجى فين
جنبيها ولا بعيد عنها شويه
نتقابل !ن شاء الله مع المواقف التى حدثت لهريدى قبل واثناء وبعد سفره !لى باريس
مع خالص تحياتى
الشاعر / زغلول الطواب

حمدالله ع سلامته ويروح ويرجع بالسلامه