ملعونه الدنيا الكدابه عجبيات الشاعر / زغلول الطواب

بلعن الدنيا
الكدابه
بتضحك علينا
وقاسيه على الناس
الغلابه
عامله زى المرجيحه
طالعه نازله بغرابه
وعجبى
فيها ناس عليها راكبه
بتمص دم الغلابه
فكراها يا عينى دايمه
ناسين القيامه قايمه
بكره يسيبوها من غير
ما ياخدوا منها هبابه
وعجبى
عجبى على الناس اللى تحت
بالفاس يعزقوها ونازلين فيها فحت
بيحلموا بكنز يلاقوه مدفون
نسيوه اللى كانوا فوق
قبل ما يدفنوا تحت
وعجبى
دنيا ملعونه غروره
تشوفها لو معاك فلوس
فى أجمل صوره
واللى ممعاهوش
يلعن الظروف اللى مخلياه
شايف قباحة الصوره
وعجبى
الواد فى شبابه بيتنطط
فاكرها دايمه ومزغطط
مش همه حاجه وبيخبط
طول الليل سهران
بيشاغل بنت الجيران
واعدها بكره فى النادى
الحكايه يا خونا بقت عادى
لابس البنطلون ساقط
على وسطه مفيش رابط
لو حاجه وقعت منه
ضهره كله يبان منه
الناس تشوفه تقوله
أتحشم يا خيبان
وعجبى
عجبى على البنات
مش لابسين زى الستات
بناطيل ضيقه ومحزقه
البطن باينه ملألأه تحت الباديهات
أبوها مش قادر يتكلم
بيبص بعنيه ويتألم
الست قالتله يا معلم
أنتهى عصر الشنبات
وعجبى

وصف رائع للحقيقه المؤلمه
لكن ماتظلمش الدنيا وتلعنها عشان الدنيا
هي الدنيا من يوم ماربنا خلقها
لكن الناس بتتغير وتتكبر وتتبطر
لاالدنيا خلصانه من أرفهم ولا همه الي راحمين أنفسهم والدنيا دي بتسجل أنفاسهم
ولما يجي الحساب راح ينكشف المستور ونشوف اديه أتحملت
منا الدنيا يابشر.

اللهجه المصريه حلوه اشوفها سهلة الكلام

تقبل احترامي وتقديري

» حسدونى عزالى كلمات الشاعر / زغلول الطواب
» عمرى م أنسى !للى عدى وراح كلمات الشاعر / زغلول الطواب
» طـــــــــــــــــاغيه أنوثتك قصيده للشاعر زغلول الطواب
» الشاعر زغلول الطواب يدعوكم للتعرف على اللهجه الصعيديه من خلال رائعه جديده هريدى راجل صعيدى
» الشاعر زغلول الطواب يدعوكم للتعرف على اللهجه الصعيديه من خلال رائعه جديده هريدى راجل صعيدى