قفايا نمل يا ناس
كفايه ضرب ماخلاص
كتمتوا فينا الأنفاس
عايز أشم الهوى
وأتنفس زى الناس
هوا نضيف وخلاص
ضوء الشمس أنزوى
من فوق السحاب يا ناس
أمتى نشوف شمس النهار
صافيه من غير سحاب وعفار
عايز جو صافى
زى الربيع الدافى
عايز قلوب الناس
مليانه حب وأخلاص
أمتى يجى الهوى
أمتى نتنفس سوى
نتنفس كلنا نفس الهوى
هوا نضيف وخلاص
عايز بقفايا أحس
عايز الضرب عنى يخف
عايز أقول أنا أنسان
ليا حق وكيان
ربنا خلقنى وكرمنى
على الحيوان
نفسى أعيش حياتى
فى أمان
ولا فشل كلوى ولا سرطان
حتى المبيد الحشرى
بطلنا نرشه كمان
شر البليه بيضحك الزعلان
خايفين من المبيد الحشرى
خايفين من السرطان
جابوا الكيماوى
خلطوه فى كل مكان
حتى ألعاب الأطفال
مليانه سرطان
الرحمه يا رجال الأعمال
!رحموا الشعب المصرى
والله دا شعب طيب وغلبان
حتى الدوا !للى بيعالج
قالوا دا فاسد زى الدم كمان
عايز حبة دو اصالحه لمدة سنه
عايز حبة قمح
خاليه من السوس الجعان
نفسى آكل رغيف شاهى
أبيض نضيف زى زمان
مش عايز أجيبه فى زحمه
عاوزه يوصلنى برحمه
مش عايز أتسرق فى مواصله
ولا صايع يهددنى بمطوى
عايز أعيش فى أمان
عايز أبطل الحشيش
!للى !نتشر فى كل مكان
وأعيش من غير تهييس
راجل محترم نضيف
ولا سرقه ولا تهبيش
عايزين نطفى نار الأسعار
أروح السوق
أشترى فاكهه وخضار
أبص فى عين التاجر
ألاقيها بطق شرار
أشترى وأنا خايف
وأقول أستر يا ستار
عايز أروح شغلى
صافى الزهن والبال
أركز شويه فى عملى
عايز مرتبي طفى نارالأسعار
اللى بتعلى تملى
بسبب ومن غير سبب
زى اللحمه البلدى
أغلى من الدهب عالى العيار
تاجر جشع قليل الأدب
عينى عينك بيسرقنى
ميزانه طابب قبل ما يعبى
كيس جوه كيس
حرفية جشع التجار
عايز أتكلم بس خايف
عايز أقول لأ
خايف أتزق
خايف على قفايا
قفايا مبقاش مستحمل
من كتر الضرب أتبهدل
كل حته فيه ضرب
مفيش واحد عنده قلب
يبقى خايف من الرب
اللى خلقه وخلقنى