الشاعر زغلول الطواب يدعوكم للتعرف على اللهجه الصعيديه من خلال رائعه جديده هريدى راجل صعيدى

انا هريدى راجل صعيدى من قبلى

ابهاتنا
وجدودنا رجاله

ميحبوش غير الكلام الدوغرى

عادات وتجاليد ورثناها

اب عن جد من
بدرى

نقولوا الحج

لو السيف على الرجاب يجرى

اسمى هريدى

ولد الحاج
عبدالرحيم الصعيدى

طلعنى ابوى وربانى على الجد من صغرى

الله يرحمك يا بوى

لو كنت أعرف فراقك جريب

ما كنت فرحت فى يوم عمرى

جالتلى امايتى
يا هريدى

تعالى اجولك يا ولدى

انت ضنايا مالياش غيرك

ونور عينى يا ولدى

انت
من بعد ابوك

راجلى وسندى

ملياش غيرك فى الدنيا يا ولدى

عايزه أجولك على كلام فى النجع عيجرى

فى الصبحيه كنت جاعده ويا الحريم بدرى

كانت السهرايا حاميه عليك يا ولدى

سامعه حديت ومش مصدجاه ودنى

عيجولوا هريدى عايز يدلى على بحرى

مصر يا ولدى كيف تروحها وتهملنى

وتسيبنى كيف يا ولدى

طاوعك جلبك يا هريدى

ولسانك ناطجها يا ولدى

ما سألتش نفسك

هيجينى نوم

وانت بعيد فى الغربه عنى

مين هيشجر عليك

لما تتعرى رجليك

وانت نايم
يا ولدى

فى عز النوم اجوم اطمن عليك

واغطيك بيدى

كيف يجينى
نوم

وحنكى يدوج الزاد

وانت بعيد ومفارجنى

اوعدنى يا وليدى

وهات ايدك
وحطها فى يدى

لو بحرت على مصر

ومهما شوفت ما تنسى انك صعيدى

بصيت
فى عنيها لمحت

الدموع من عنيها نازله على الخدود تجرى

اتلفيت خلجاتى وحاجاتى

وركبت ركوبه
وهميت على المحطه

لجيت رصيف الجطر مزحوم

والخلج عليه حاطه

ناس شايله
جوفف وناس معاها زكايب

وجليل من الناس معاه شنطه

ساعه ساعتين تلاته تعدى

كل شويه نبصوا على الجطر الفجرى

جه الجطر الناس ماعندهاش
صبر

من الشبابيك ناطه

اللى معاه جفص حمام وجفاص فروج

والى ماسك بيده بطه

بعافيه
هلبت كأنى دخلت

فى شج لجيت روحى وجعت

على ناس وجفاص وجفف

جومت زعجت وجولت يا دلى

عشان أروح مصر الغربه تبهدلنى

ساعتين تلاته والجطر
تاته تاته

بعد ما نور اخضر طلج زمارته و!شارته

سمعنا صوتعجلات القطر عتددج

زى دج الطبل الغجرى

على
الجدبان تدجدج عجلاته

عيجرى والنخل شوفته عيجرى وراه

الليل حط نام الحمام والبط

و الناس نايمه فوج بعض

الواحد مش شايف
خلاجاته من بعض

فات وجت كتير سمعنا زعيط ومعيط

الجطر وصل المحطه ووجف بينا

اللى
عينط واللى عيفط

من البيبان والشبابيك

رمينا حوايجنا وادلينا بزعيط ومعيط

فى المحطه
الدنيا زايطه

والخلج عدور على حد متلجيها

أو حد يكون فهمان

يجرا العلوان ويورينا

طلعت بره المحطه

شوفت ناس اشكال وناس الوان

ناس بس مش زيينا ولا جلبيه ولا جفطان

رجاله وحريم ماشين لاخشى ولا
كسوف

الشعر مكشوف وعيبصوا علينا

البنات والحريم لابسين اجصير

ولا خشى ولا كسوف ولا
مستحيين منينا

عيلجحوا بالكلام ويدحكواعلينا

وجفت مستنى عتمان ولد عمى

ادور فى
وشوش الناس

وانا مندار الراس ولا عارف راسى من المداس

جعت اخبط على راسى وجوات يا ناس

أيه !للى خبطها فى راسى وخلانى محتاس

مبسوط يا هريدى يا واكل ناسك

مين شارعليك وطجها فى راسك

فى عز غلبى و همى

شوفت واحده جد امى

ماشيه عتتمخطر من جنبى

لابسه
جصير وجالعه براسها

حاطه أحمر وأخضر و من غير طرحه

جولت يا سلام هى دى مصر ام الدنيا

حوالين منى عربيات اشكال والوان

عتجرى بسرعه وعماله تزمر يا جدعان

جعدت
على التلتوار وجسمى جايد نار

ولو معايا بندقيه كنت ضربت فى الخلج نار

جولت
يا دلى فى النجع حدانه

الناس غلبانه مش لاجين ركوبه غير الحمار

وعمدتنا
علينا عيتكبر

لما يجى يشج علينا يجينا راكب حصان

على ايه يا
عمده عتتغندر

وعلينا يا فجرى عتتكبر

تعالى هنا شوف اللى حصلان

انا واجف اكلم
نفسى اتبدل حالى

وعجلى من راسى طار

حواليه نور
كهربه كتير مش شويه

فوج وتحت وفى كل مكان

سألت ايه كل النور ده

جالولى
دى كهربه جايه من اسوان

جولت يا مثبت العجل فى الراس

كيف تجيلكم الكهربه واحنا جنبينا اسوان

كيف الكهربه تعدى علينا وواخدين
الارض منينا

وزارعين فيها العمدان

واحنا فى الصعيد على لنده عويل عنور


وانتوا عدوسوا على الحيطه تنور بالالوان

وانا جاعد متحير وراسى من
الدوارعتغير

وشويه جانى ولد عمى عتمان

بالباط يا واد عمى مشفتكش من زمان

والله وحشنى وعرفت تيجى اهنهاتى كمان

جولتله اسكت يا ولد عمى

تعالى حط همك
على همى

كيف حالك يا عتمان

جالى زين واخر تمام

ايه يا هريدى مش باين عليا

ولا انت
اعميت ومعتشوفش كمان

زعلت من كلامه فى نفسى

وجولتله عتعيرنى على
الجلبيه العبك يا عتمان

ركبنا تكس وجال للسواج فسحنا

هريدى ولد عمى لسه
من الصعيد زهجان

جولت ياسطه اوعاك تسمع الكلام

وروح فى الطريج اللى
هيروحنا انا تعبان

ضحك السواج ضحكه وجال

لولد عمى افسحكوا ولا زى اريبك
عايز تنام

جولت يا سطى اوعاك تتملجش

ما تهزيرش وتلخبط فى الكلام

وصيلنا
البيت وادلينا

السواج مشى خد الزياره واحنا نسينا

وجال لينا سلام

جولت
الحجه يا ولد عمى

الخلجات والزياره كانوا جنبى

انسيناهم يا عتمان

جالى
اسكت يا هريدى

اللى عيروح فى البلد دى ما عادش يجى

وجفل على الكلام

دخلنا
البيت وجعدنا وريحنا وكلنا وشربنا

شاى صعيدى تجيل تمام

وضيفنى وجالى يالا يا ولد عمى نام

الجزء الثانى------------

فى الصبحيه عمال يزجزج فيا
بزجله تخينه شويه

جوم يا هريدى انت ليه نايم وخمان

جومت افرك فى عينيا وحاسس انى تعبان

جولتله
مالك يا واد عمى سيبنى شويه انام

انا ما شبعتش من النوم وجعان

جالى جوم طس وشك بشوية
ميه

انا جايبلك فول وطعميه ما كلتهمش من زمان

سمينه باسم الله وابتدينا

ناكله اكله بس متينه

طاولة عيش وبصل وفجل كمان

جالى جوم حط الكنكه على
النار

وزبط كوبيتين شاى

نحبسو بيهم الاكله التمام

حبسنا بالشاى وجمنا
على الفتاح العليم واتوكلنا

عالموجف اللى عيوجفوا فيه العمال

الناس كتير زاحمه

واجفه
وجاعده مستنين اى حد عايز عمال

يجوموا عليه يجروا زى الفرسان

بعد
شويه جت وليه راكبه عربيه لكن سبحان

من خلج وصور الجسم طويل ومدور يا جدعان

شاورت
عليا وخدتنى على البيت عنديها

وشاورتلى على حيطه كبيره فى المنور

جالتلى
تأدر تهد الحيطه دى يا بلدينا

جولتلها مافيش حيطان تانيه

جالتلى لاء هى دى مفيش غيرها حيطان

جولتلها
طيب عايز اشرب شاى

جابت الشاى وجت

لاجتنى هاددها وشايل الطوب كمان

شهجت
شهجه كبيره وجالتلى انت خلصت يا بلدينا

جولتلها تمام التمام

جالتلى تعالى يا أسد اشرب الشاى

مشت
وجات بعد شويه جايبه فى اديها نجديه

وجالتلى لما احب اشوفك اجيبك ازاى

جولتلها
عارفه عتمان واد عمى

انا جاعد معاه حضرتك مش عارفاه

ساكن اول الشارع بعد !للى جاى

ضحكت
ضحكه عاليه

وجالتلى لاء مش واخده بالى

هو مشهور أوى وصيته هنا زايع من زمان

جولتلها
ايوه امال

عتمان واد عمى جاعد هنا من زمان

وكل الناس هنا عارفهم وعارفاه

وجفت
شويه سارحه عتفكرلى فى سوكنه

وفجأه جالت ايه رايك تسكن هنا عندى

اسيب
كيف واد عمى دا هو اللى شايلنى

جالتلى ولا يهمك انا هنغنغك وممكن أتجوزك

كيف
انى وافجت وحنكى اتلجم وسكت

روحنا للمأزون وعليها عجت

روحنا
البيت وعنديها اتعشيت ودخلنت

ونمنا للصبحيه وخبط الباب !تلخبطت

عتمان عيدور عليا شافنى على السرير مسطح شويه

خبط بالكف وجالى يا هريدى انت عجلك خف

انى
ما عرفتش اتكلم وجعمزت جنب الباب اتألم

انى و الست ملك اتجوزنا يا عتمان

ما
بصش عليا واسبنى

ورزع الباب وجالى اتهنى يا واد عمى

ضحكوا عليك النسوان

جت
ملك وطبطبت عليا وجالتلى ولا يهمك

ياديدى يا حبيبى تعالى نفطر ونريح جوه شويه

وسيبك من ابن عمك دا واخدها جد شويه

حبستنى
شهر بطوله اكل وشرب واللى تجوله جوله

وخرجنا غدتنى لحمه مشويه

اتمشينا
وحكينا عليها وعليا

فى الكلام خدنا وادينا

وعلى الصعيد حكينا الحكاوى !للى عندينا

جالتلى
ايه رأيك تعالى نسافر ونزور امك

روحنا
وجهزنا زياره وبالعربيه سافرنا كأنى راكب طياره

ما تجولش فى ثوانى ولا بالوجت حسينا

شوفت
امى ادليت من العربيه وجريت عليها

اخدها بالباط واحب على رجليها

شافتنى
واندارت ولا حتى بصت بطرف عنيها

وجالت انت جايب معاك فى الصعيد واحده خوجايه

جولتلها
دى مرتى ملك يا ماى جايه معايا

جالتلى وانى مش امك

ارجع بيها زى ما جيت تانى

لو شفوها الناس هيتغمزوا علينا

و هيجولوا علينا هنا الغناوى

راحت
همت وسابتنى وانا الحيره مسكتنى

اولل واجول انا ماكنتش للجواز ناوى

لكن
الجسمه والنصيب وكل شىء مكتوب

وجفت وجالتلى ماتولولش يا ولدى

دخلنا
وجفلنا الدار وكل واحد فينا عن التانى مندار

لغاية اليوم ما يولى ويعدى

بيت
الليل صاحى ادعى واترجى ربى

كيف العمل اهدينى يا ربى

كيف ارضى امى
وتجدر غلبى وهمى

سامحينى وارضى يامه عنى

صحيت ملك وجولتلها جومى ادلى

حضرى الفطور مع امى وكلميها يمكن ترضى عنى

امى غاليه وعزيزه على جلبى

وانتى يا ملك نصيبى ومرتى

جوليلها ماتزعلش منى

احب على ايدك يا ماى ردى

ارضى عنى واطلبى الرضا من ربى

يمكن يسامحنى

فى عنيها هم وغم وحزن
الدنيا مجمع

بصت عليا شافت عينى بتدمع

ما هونتش عليها جات عليا تجرى

وبطرف الشال مسحت دمعى

زادت الدموع وعلى خدى نازله عتجرى

زى
الشلال فى الربوع عتسجى

ضحكت غصب عنها جاصده تزيح الهم عنى

خدتنى بالباط وجالت انى عليك بدلع

مسكت ايديها احبحب عليها

وابوس على
رجليها وانى جلبى مولع

جاعد تحتيها اترجاها الدمع مالى عنيها لما شافتنى بركع

طبطبت عليا وجالتلى يا ولدى

اسمع كلامى زين ومن راسك ما عايزاه يطلع

اتمناك يا ولدى تكون بين الرجال
زين

رافع بينهم راسك وما ليهم حداك دين

جول لمرتك تبدل الخلجات الشين

وتلبس لبس حشم يحميها من بصة العين

يا ولدى بين النسا والرجال شياطين

لو ركبوا الراس يمرموغوها فى الطين

الاصيل من الرجال مخلص وامين

اما
جليل الاصل اساسه واطى ولعين

ابوك يا ولدى مات وساب من الارض فدانين

باروا من بعد منه والصالح منهم جراطين

اوعاك تفرط فيهم وحاسب من الدين

يذل صاحبه فى الليل والنهار مرتين

الارض كيف العرض شيلها جوه العين

ارويها بعرجك تديك فى السنه زرعتين

واتعب واشجى عليها الفدان يزيد وببجى
اتنين

هما دول يا ولدى الكلمتين

غابت عنينا شمس السبت

وطلت علينا من
تحت الغيوم يوم الحد

وامى مرضت وانى مهموم

دعيت ربى يشفيها وصحتها عليها تدوم

مرت
الساعات تجيله ما زار عنيها النوم

امى طريحة الفرشه بتتألم من المرض
المشئوم

دبل الوش ودبت فيها السموم

وغابت عن الوعى والروح وصلت الحلجوم

وطلعت للسما ودفناها فى نفس اليوم

غابت وراحت شمس النهار

وانى ومرتى
جاعدين بعد العزا فضى علينا الدار

راحو الحبايب والدار خلى من الزوار

جعت انا ومرتى نتذكر اللى كان وصار

كل شىء فى الدنيا يعلى وينهار

حتى
الليل لما يولى يجى بعد منه نهار

بحرى البلد سمعنا دج الطبل والمزمار

طلعت اجرى اسأل جالوا فرح فى بيت عمار

جولت همه فرحنين فى امى انا
هولعها نار

امى لسه فى التربه مالهاش ليله ونهار

مرتى مسكت ايدى وحلفت
ما طلع من الدار

جولتلها لو سكت هتبجى فينا عار

بالصوت صرخت مرتى
اتلموا علينا الناس وملوا علينا الدار

وولاد عمى جالوا فى العشيه ناخدوا بالتار

وجف كبير
العيله وعلينا شار

لو تاروا وتورنا هتولع وتحصد ما تخلى وهتبجى دمار

روح
خد مرتك واجفل عليك باب الدار

واوعاك تسمع كلام الشياطين ولاد عمامك

وبلاش
تفكر كتير ولا تشغل بالك بالطبل والمزمار

بكره الزمان
كفيل يبدل الحزن بالفرح والطبل بالمزمار

يدج ويدجدج فى دارك ليل ونهار

امارح كان
الحد والكلام دخل فى الجد

وطلعت اروح الارض ارويها وافتح للميه السد

اروى
ارضى البور جبل ما يروى حد

وابدر فيها البزور واكد فيها بهمه كد

السواجى
تدور وتشد الجواديس من الساجيه شد

وادعى المولى ما يشمت فيا حد

الجزء الثالث-----------

مرت الايام والليالى بتدور
وتتعدد

والارض البور ملاها الخضار واتشد

ولما استوت السنابل على
العيدان

واصفرت كريت عمال وحصدناها حصد

الجرن ماشاء الله بجى عالى

ودرسنا بالنورج ودريناه من الحد للحد

الفدان عشرين اردب

الخير زين يا ولاد يدخل الفرح
والسرور على العباد بجد

يسدد الدين وبيعنا كام اردب

ترعى الارض تديك لكن لو
اهملتها تعاديك

الارض عرض تصونك من الديون وتسد

وترفع راسك وتزينك وما
يجدر عليك حد

دخلنا المحصول
جولت اجيل شويه

تحت شجرة الجميز فردت رجليا

غلبنى النعاس نمت للعصريه

صحيت على الادان جومت اتوضى بالميه

وصليت جبل العصر ركعتين شكر للمولى يمكن يرضى عليا

واهب الخير والرزج والعطيه

جعت اسبح على السبحه شويه

واشكر الرحمن وصليت
العصر وختمت بالتحيه

مش بعاده ملك مرتى تتأخر بالغدا عليا

شويه جت
وماسكه صره وزبديه

ايه يا ملك عوجتى ليه عليا

جربنا على المغرب ولسه
معملتيش الملوخيه

جالتلى بالراحه يا خويا عليا شويه

واحمد ربنا انى
راضيه بالعيشه الصعبه ديه

جولت احمدى ربنا يا وليه

مش عايزه تنسى العيشه
الناعمه الطريه

يا خوانا الحريم دول عليهم العجب

يجولوا كلام
مش مفهوم يعبروا بيه عن الغضب

فكيت الصره وطلعت العيش والبصل

والجبنه
الجديمه واكلنا غدوه زينه وهنيه

وشكرت ربى وحمدته على كرمه ونعمه عليا

والشمش غابت وبجينا فى المغربيه

جرينا البهايم وروحنا انا وهيه

وكل شويه تتجفجف
وتجول

ايه ده اللى انا فيه كان ايه عليا

روحنا الدارودخلنا البهايم فى الزربيه

وصليت المغرب وجعدنا نتعشوا بعد ما جهزت الملوخيه

جولتلها جومى اعملى
الشاى جالتلى انا مش عامله شاى

بصراحه تعبانه شويه

جومت زعلان وسيبت
الدار ورحت جعت على الجهوه البحريه

اشرب حجرين معسل وانفخ الدخان حوليا

الناس جاعدين يتسامروا بحكاوى ابو زيد ومن كل حكايه شويه

وفجأه سمعنا صوت ضرب نار من بندجيه

طخ طخ طخ جولنا
فيه ايه يا ولاد فى العزبه الجبليه

فى حد فى البلد عامل فرح ولا عيضربوا نار على الحراميه

لجينا واحد من جبلى جاى يجرى

ويزعج
ويجول الشيخ سالم اتطخ كام عيار من بندجيه

سيبنا الجهوه وخدنا خلاجاتنا فى سنانه على جبلى

لجينا
الشيخ سالم ممدد على الارض وغرجان فى الدم

مين اللى عمل العمله دى وفر

بلغنا
العمده بالحصل بعت لينا الغفر

وجالوا مرضيش يجى بيجول بعافيه شويه

العمده
بلغ النجطه

على الخيل جه الظابط ومعاه وكيل النيابه وجام فتح الشنطه

وجعدونا
صفوف والحكومه تضرب بالرجل والكفوف

والعمده جاى وجايب جفصين حمام وعشر وزات كام بطه

وكيل
النيابه سئل محدش شاف اللى حصل

محدش رد والعمده جال ما فيش حاجه هنا بتحصل

الشيخ
سالم معاه بندجيه يمكن كان عايز ينضفها من كتر الملل

جام غلط وداس على الزيناد وسابه طلعت كام طاجه وأتجتل

واطرمخ
الموضوع وجيدوها جتل من غير شروع و!نتهى الموضوع

الجتيل انتحر بطلجه بندجيه زياده

وخد
من ده كتير الدم كل كام يوم يسيل

وتيجى الحكومه وترجع بزواير حمام وفطير

روحت
البيت اخبط على الباب غابت الوليه كتير

طلعت على النخله اشوف ابه بيصير

بصيت
بعنيه على كل الدار مالجتشالبهايم والحمير

ادليت اجرى مغرب على الجسر الغربى

شوفت
من بعيد واحد مركبها وراه على حمار وعمال يجرى

جريت الحجهم جولتلها سيبتى الدار من غير !زنى

انتى
طالج بالتلاته ادى اللى خته من بنات بحرى

والله لضربها وارجعها يا اطخها
عيار

خافت ورجعت ورديتها فى الحال

جالت ما فيش فايده فيك هتشوف هعمل ايه
ووريك

ماخدتش واديت فى الكلام كلام طالع من غيظ النسوان

نامى ياوليه
جالتلى انا محرمه عليك

كتفتها واديتها علجه زينه

وجولتلها ياختى ابجى ورينى مين يجدر يحلك



لم تنتهى بعد

ماذالت للقصه بقيه

!نتظرونى

مع خالص تحياتى

الشاعر

زغلول الطواب