نزار الكردى
عدد المساهمات : 25 نقاط : 62 السٌّمعَة : 0 تاريخ التسجيل : 13/04/2010 العمر : 50
| موضوع: اللاءات 2- لا تسمع الجمعة يونيو 04, 2010 5:29 pm | |
| متسمعش ولو صرخ الفضا م الظلم وحط القطن ف ودانك يمص الهم ولا تهتم ولو صوت السياط ع الدم يطرطش وشك الطيب لا تستعجب ولا تخدك شهامة قلب بلاش تسمع عشان تسلم
متسمعش ولو كان الصراخ جارك وصوت جارك يحط رحاله فوق دارك وجرجرته ف وسط الليل وحتى الليل قفل ودنه ولا جارك متسمعش بكا طفله يحط دماغه بين رجله .....ويندهله ولا سامع ولا صوته بيرجعله ولا عمره هيرجعله لأنه ف يوم سمع مره وشال القطن من ودنه وقال بره هتسمع ولا بالمره
متسمعش ولو سب الغفير خالك وموالك وحط الهم ف عيالك متحمرش غضب وتثور وإعمل فوق ودانك سور متسمعش الكلام منه ولا رنه يأثر فيك ولا زنه وعيش مستور أبوس رجليك عشان ترجع تشوف النور متسمعش | |
|