بطـَّــــــــــلنا كله

بطــــــــــــــــلنا .. كله !!

جمعت من عينى الصــــور ،
والصوت ، وحركة خطوتى ،

ورمــــــــيت
مفاتيح الزمن من سكـــــــــتى
محتاجـــــــة أشرب قهـــــوتى
من غير آلم !!!
كان فيه ...هنا ... سكـــــــر ،
وشاى ، وعلبة فاضية !!
وحٌق بن .
طب راحـــــــــوا فين ؟
الحال يجِــــــــــــــــــن !!
مـــــش ح أفتـــــــــــــــــِـكر ،
مش عايزة أبداً أفتِكــــــــــــر

كل الحكاية ف شنطـــــــتى فكة قروش
... لأ .. لسة فيه خمسين جــــــــــنيه
خافياها تحت مخدتى .

أنا عايزة إيه غير ......... قهوتى !

يارب
حوش عنى النكــــــد
أنا لسة ح أنزل وأشترى ؟!

لو بــــــــس كان عندى .. الولد ..
إنزل يا واد ، وأطِلع ، وهـــــــــات ،
وحاجات كده ؟ !!!!!
سرحانة ليه ؟ أنا عايزة إيه ؟
آآه ..... قهـــــوتى
سكــــــــر بكام ، والشاى ، وغيره
طارت الخمسين جنيه !!

باقى م الشهـــــــر آد إيه ؟ ؟
مش عايزة أحــــــــــــسب تانى ليِه
خليه يفوت ،
ولا قلة أكاــــــــى
ح تخلينى أموت ؟!!
خلينى أموت .
وأنا ح أكل إيـــــــــه ؟
لما الخضار سرطانه أصبح .. منه ، فيه
واللحمة حمارى ..،
وأنا لحم الحمير ..مــــــــش .. غِــــــيتى
وفراخ ، وطير مرضان خطير
وأنا صيف شتا على فرشتى !!
نقصانى أمراض الطيور ، أحسن تغور ..
إن كنت بطلت الســــــــمك ،
وأنا روحـــــــــى فيه من صغر سنى
وطلعـــــــــــــتى!

كل المصيبة فى اللى جاى ........
سكر بكام ، والشاى بكام ؟ والباقــــــــــى
كام ؟
خنقـــــــــــــــة ، وزحام وما فيش .. هـــــــــوا
فين الدوا ؟!
يادى النكــــــــــــــــد .. فينه الولد ؟!
تليفونى .. فين ؟ مين طالبة مين ؟

هوه أنت ......... أصلاً صاحــــــــــــــبتى ؟!!!!

نضارتى فين ؟ أوراقى فين ؟ ! طب علبة البن
اللى فيها بانســــــــــــــــى حزنـــــــــــــــى ووحدتى
واديتها فـــــــــــــــــــين ؟!
أوراقــــــــــــى فين ، نضارتى ...........؟

نضارتى ..فييـــــــــــــــــــن؟!!!!

وداد الهــــــــــــــوارى

[/si

ze]
[/center]

لو بــــــــس كان عندى .. الولد ..
إنزل يا واد ، وأطِلع ، وهـــــــــات ،
وحاجات كده ؟ !!!!!
سرحانة ليه ؟ أنا عايزة إيه ؟
آآه ..... قهـــــوتى
سكــــــــر بكام ، والشاى ، وغيره
طارت الخمسين جنيه !!

باقى م الشهـــــــر آد إيه ؟ ؟
مش عايزة أحــــــــــــسب تانى ليِه
خليه يفوت ،