إحنَّـا ياعالَـم ليه قاسييـن
على أنفُسنـا ومُش سائليـن
ف اللِّى جاريلنا بَقالنا سنيـن
وليه اليـأس إتمَكِّـن فينـا
لمَّا نسينـا كمـان أسامينـا
لأ وبـقـينـا مُـتشائميـن
واحنَّا صَبحنا بِنِكرَه روحنـا
وبنِستَنَّى نعيـش بجروحنـا
وعلى إصلاحنا مُش قادرين
وإيه مصَبَّرنـا على بَلوانـا
واحنَّا ف عيشه ملانه إهانه
وفيها مَذَلَّه وناس جَعانيـن
والأحوال تِصعَب ع الكافِـر
والإهمال صابنـا على الآخِر
وفينـا بَـلادَه وقِلِـةْ ديـن
وفين أمانينا وفين صَحوِتنا
وفين أيادينا وفين عافيتنـا
واحنَّاالوقتى راحين على فين
واحنَّا ف إيدنا نِخَلِّى حياتنـا
فالحه وصالحه ونِنهى عبَطنا
ونعيش واحنَّا ياناس حِلوين
ونعيش واحنَّا ياناس حِلوين