حلم عصفور صغيّر

كتبتها على لسان طفل وأسميتها

((عصفورالنيل))أتمنى

أن تنال الإعجاب

1

انا نفسي العالم يسمعني

ويزود حبة تقدير

أنا طفل صغير دلوقتي

لكن بكرة أنا حبقى كبير

2

من حقك أني أسمع لك

وأمشي كلامك على طول

من غير ما أعاند وأتشاقى

طول ما أنت عني المسئول

3

من حقك أني احترمك

وأنا فاهم إن انت كبير

وأني في يوم حبقى مكانك

وأحتاج لحب وتقدير

4

أنا بسأل عن حقي ياعالم

وأناشايف أطفال محرومة

من حقها حتى م النور

خايف ييجي علي الدور

5

هو بيقسى ..وانت بتقسى

ونلف في دايرة حرمان

أزاي يبقى الطفل مثالي ؟

أزاي يبقى بكرة أمان؟

6

من حقي أتعلم وأتكلم

من حقي ألعب وأتنطط

من حقي أفكر وأخطط

وأنا آمن حر التعبير

7

من حقي إني أقول رأيي

والكل يسمع لكلامي

يفهمني ويقدّر عقلي

من غير ولا اي تكشير

8

حقوقي مش بس كلام

يتردد في كل العالم

حقوقي لسه أحلام

ضايع مني منها كثير

9

لوضاع مني حق اليوم

بكرة حتضيع باقي حقوقي

أزاي عيني تشوف النوم

وأنا شايف في طفل حزين

10

مين فيكم يقدر يسمعني

وبكل احساس تقدير

وبنور العدل يجمّعني

يملا لي م العلم كثير

11

يمسح دمعه ويرسم بسمه

يهمس همسة حب أكيد

يزرع شجرة ود ويرعى

عصفور نفسه يعلا يطير

12

ياللي بتحلم بالمستقبل

نفسك يبقى الكون معدول

لازم ترعى طفل صغير

بكرة يملا العالم نور

13

ياكل أطفال العالم

أنا حاسس بيكم بصحيح

قولوا معايا أنا عايز حقي

يوصل صوتنا لكل كبير


****************
(شعر:صالح شرف الدين)

17 نوقمبر 2008م

**********