أبوس وردك

أنا أملى ولو كلمه تطمنى
على القمر اللى ساحرنى وسايبنى
لحيرتى ووحدتى وحزنى


يا وردة فل مزروعه على جبينى
لا تنسينى
ف عز البرد عرينى وغطينى
وضمينى وسيبينى
ونامى جوه ف عيونى
مبين الرمش والننى


يا نسمة بحر تخطفنى ف عز الصيف
أنا خايف وطول عمرى بعيش ف الخوف
ليجى قلب يسكنى واعيش ملهوف
وفجأه يمشى ويسبنى وكأنه طيف
ويتركنى لجرح كبير بيقتلنى


أبوس وردك
أنا مستنى من عندك ولو حرف
ولو حتى حروف العطف
أنا بكره كلام العطف
ولكنى بموت بشويش
مبين بعدك وبين حزنى


عشان خاطرى
يا أجمل فكره فى خاطرى
لنا قادر أصورها ولا احكيها
مفيش صوره تحاكيها
ولا ينفع كلام شعرى
تعالى واسكنى حبى
أنا رتبتلك قلبى
هنا تنامى هنا تصحى
هنا تبكى هنا تجرى
تعالى ودوبى فى عمرى
يا أجمل لحن يسكنى