الشاعرمحمودالعزب تحفه اشعاره الحق

ياأهل الحَق

شعر/محمود العزب
11/7/2010
ياأهل الحَـق قولـوا الحَق
حقوقكُـم ضايعَـه والاَّ لأ
ومُش عايشين كباقى الخَلق
وأصبحتُـم كِـدَه قاسييـن
على روحكُـم ومُش فايقين
وعيشِتكُـم كمـان بالـزَّق
وراح الحَـق مـن إيدكُـم
وكُل الظُلـم فـوق مِنكُـم
وهــادِدكُـم ونـازِل دَق
ياأهل الحَـق إيه صابكُـم
عشان تِستَنُّوا على حالكُم
وروسكُم لِسَّه ليه ف الشَّق
وفيـن إنتُـم وليه نِمتُـم
وليه تُوهتُـم وليه خِبتُـم
وسايبين بينَّـا لِسَّه فَـرق
وفيناطَناش وشوفنا طَشاش
ومُش لاقيين حياة تِتعـاش
وكُلُّه الوقتى عايز الحَـرق
ولـوْ مافُقـنـا م الخيبَـه
هاتِبقَـى الخيبَـه بالويبَـه
ونِلقَى حياتنا من غير حَق
ونِلقَى حياتنا من غير حَق

الشكر كل الشكر للعزيزه الغاليه أمةالله (محمود العزب).

امة الله كتب:: ياأهل الحَق

شعر/محمود العزب
11/7/2010
ياأهل الحَـق قولـوا الحَق
حقوقكُـم ضايعَـه والاَّ لأ
ومُش عايشين كباقى الخَلق
وأصبحتُـم كِـدَه قاسييـن
على روحكُـم ومُش فايقين
وعيشِتكُـم كمـان بالـزَّق
وراح الحَـق مـن إيدكُـم
وكُل الظُلـم فـوق مِنكُـم
وهــادِدكُـم ونـازِل دَق
ياأهل الحَـق إيه صابكُـم
عشان تِستَنُّوا على حالكُم
وروسكُم لِسَّه ليه ف الشَّق
وفيـن إنتُـم وليه نِمتُـم
وليه تُوهتُـم وليه خِبتُـم
وسايبين بينَّـا لِسَّه فَـرق
وفيناطَناش وشوفنا طَشاش
ومُش لاقيين حياة تِتعـاش
وكُلُّه الوقتى عايز الحَـرق
ولـوْ مافُقـنـا م الخيبَـه
هاتِبقَـى الخيبَـه بالويبَـه
ونِلقَى حياتنا من غير حَق
ونِلقَى حياتنا من غير حَق

الشاعر السامق

محمود العزب

أهلا وسهلا بك بين إخوانك وأخواتك في بلاط إتحاد الكتاب والمثقفين العرب .

كلمات قصيدتك من العيار الثقيل حيث الحديث الى الحق وماأحوجنا جميعا إلى الحق حتى ولوكان مر
أبياتك تعبر عن أنشودة من الملايين الذين يحلمون بكلمة حق ولو مرة واحدة
القصيدة رؤية وروية للقطاعات المقهورة في العالم
تعدت حدود المحلية الضيقة لتحاكي العالمية الرحبة الواسعة
لقد نجحت حروفك إلى إستقطاب القلوب والأفئدة لتشعل نار الحق جذوة ضد الطغيان
شاعر يتحدث عن رموز القاعدة العريضة من البشرية
ولم يخش لومة لائم من تصوير المصير الأليم تحت قباب الظلم
شاعرنا فتح النارعلى رموز الفساد بل فتح النار ايضا على كل من يسكت عن الحق
ألفاظك واضحة وصريحة لاتحتاج الي صور بلاغية
أشكرك على تلك الرائعة مع دعواتي بالتالق الدائم
تحياتي وفائق مودتي
محمد حسن كامل

أشكرك ياأخى العزيز الفاضل الأستاذ/محمد حسن على هذا الكلام الرائع وتقبل محبتى لشخصكم الكريم....محمود العزب

موضوع: أنا عاشقِك الإثنين يوليو 12, 2010 1:55 pm

أنا عاشقِك

شعر/محمود العزب

24/6/2010

أنا عاشقِك وكُلِّى إيمـان

بإنِّك زىِّ عاشقه كمـان

وعندِك قلب بـان أكبـر

وحُبُّه جميل وكُلُّه حنـان

وانا شايفِك مافيش غيرِك

وسايبِك إنتِ وضَميـرِك

ولاباقدَر فى يوم أصبُـر

على الوحده وع الحِرمان

وانا بدونِـك ولا حاجـه

وكل مشاعرى مِحتاجـه

تكون جَنبِك واعيش حُبِّك

فى كل زمان وكل مكان

وباوهِب كُل حُبِّى ليـك

وبادعى ربِّنـا يخلِّيـك

على عينى وعلى راسى

ويفضَل حُبِّنـا مِتصـان

واشوف فيكى الهنا كُلُّه

وقلبى يقولِّى وانا اقولُّه

على إنِّك جميع ناسـى

وكُل حياتى والفَوَقـان

يامالكانى كِـده بحالـى

ياروحـى وكُل آمالـى

أنا حَبِّـك يانـور عينى

وانا عاشقِك بقالـى زمان

أنا عاشقِك بقالـى زمان.

عايز حقِّى

شعر/محمود العزب

1/4/2010

ومين قال إن انا أضعـف من الماضى

وعن حالتى أنا موافـق وانا راضـى

على تدميرى لمصيـرى وع الفاضى

ومين قال إن انا فقـرى ودا قـدرى

ومن خوفى من الضلمه باقوم واجرى

ومن جنبى باسيب إبنى يموت بـدرى

ومين قال إن انا مادافعش عن أرضى

وعن أهلى وعن بيتى وعن عرضـى

واسيب يأسى يبيع نفسى بدون عوضى

ومين قال إن انا هافضـل كده ضايـع

واوافق إن اعيش منسى وابان صايـع

وابات عطـلان ولا شـارى ولا بايـع

ومين قال إن انا هافضل كده على طول

ماليش منظر ولاهاقدر فى مرَّه أقـول

أنا عايز يانـاس حقِّى ومُش معقـول

والاقى الكـل ويَّـايَّـا كتيـر وقليـل

وحَسُّـوا بإنِّهـم زىِّ بعانـوا الويــل

وطالبوا بحقّى وحقوقهم وشدُّوا الحيـل

ولاخِبنا ولاخِفنـا الظـلام بالليـل

وخلُّوا حياتنا وبإيدنا تقول مواويل

على نهارنا وعلى حالنا وعلاشانَّا

وأصبحنا وأمسينا بشكل جمييييييييييييل

وأصبحنا وأمسينا بشكل جميـــــل.

ياسِت الكُل

شعر/محمود العزب

4/5/2010

أبوس إيدِك ياسِت الكُل

مادام عايزانى زى الفُل

تِحِسِّـى بيَّـا وبحالـى

وباللِّى خَـلاَّ أحوالـى

أمـام عينِـك

فى ضعف وذُل

وتِبقى ليَّا رِسمالى

وآمالِك فى آمالى

ويفضل حُبِّنا غالى

ولانطاطى لإحباطى

ولاابـــان لِـك

فى حُبِّـى مُضِـلْ

واشوفِك لسَّه صاينانى

ونَصرانى وشايلانـى

ولاتبانى فى يوم تانـى

ياهَجرانـى ونِسيانـى

يابتقولـى عليَّـا مُمِـلْ

أبوس إيـدِك تساعدينى

على عيشتى

وعلى سنينى

وانا اشتالِك على عينى

وساعِتهـا تلاقيـنـى

بَقيت مِلكِك وزى الفُـل

أبوس إيدِك ياسِت الكُل.

آه يازمانى

شعر/محمودالعزب

1/6/2008

آه يازمانى وآهين يانى

واْنْتَ سايبْنا لِإمْتَى نِعانى
والأحْوال ماهِش عاجْبانى
ومافيش حَدْأحْسَن م التانى

ولافيه حاجَه الوَقْتى مُفيدَه

ولابِتْهَنَّى سَعيـد بِسَعيـدَه

وانْتَ موافِق على حِرمانى

واسْأَل أرْضى وهِيَّه تْقولَّك
إن الزرع ماعَدش فاَضِلَّك
ولامِسْتَحْمِل يشرَب تانـى

واسْأََل فقْرى وقهْرى وسَهَرى

كُلُّه هاينْطَـق مانْتَش قَمَـرى

ولابِتْنَـوَّر حتَّـى مكانــى

وان الخَلْق جميعاً بانـوا
أغْلَب مِنِّى ولِسَّه بْعانوا
م اللِّى ناسيهُم واللِّى نَسانى

وانا والمُصْحَف مانى باهَرَّج

ولا فى كلامى باحِب أعَرَّج

ولافيه حاجَه بَقولْها عَشانى

وانا مِكَّهْرب وانـا مِسْتَغْرَب
علشان كُل الناس دى مكانى
واحْنا المَجْنى عليه والجانى

وانْتَ مْضَيَّع ليه عِنْوانــى

وآه يازمانى......وآهين يانـى.

الله ينور عايزين الجديد ع طول

» رمضان وفرصة العودة إلى الحق
» رمضان وفرصة العودة إلى الحق
» إذاعة تفسير القرآن الكريم للشيخ الشعراوي رحمه الله في ديار الحق