مش عايزة اطوّل
سامعة في قلبي حنين للماضي ع من أول
وشايفة صحف ولا يهمها الاّ انها تهوّل
وراجلي ولا همه الا لبيته يمول
وواحدة لافة على جوزي معاه بتتجول
وماسكة كلب لولو عما يعوّل
وراجلي سايبني وطبعا الهم بيعوّل
وعايز يطلقني ال ايه شعري مغوّل
وكل ما اعمل خير للشر بيتأول
وجوزي دعا عليا بالموت قولت لا تفول
وسامعة عليا حاجات غريبه بتتقوّل
وابني ماسك حاجة بيتكلم بيها ال بيجول
وابني لما تبص له عنيه بتتحول
وبنتي مش راضية بعريس كويس ودا يزول
وحكومتي لا وظيفة ولا خير بتنول
فيها الدكاتره قبل الجهلة بتتسول
ان ركبت عربية من غير تمانين ما هتفول
لمحت شقة في المساكن عليها ريقي بيرول
مديري ما همة الا من عهدتي يشول
وانا مش قادرة لما بشوفه على نفسي بتبول
وان فضلت فترة كدة على العباسية اكيد هتحول
كفاية كدة انا مش عايزة عليكو اطول
انا حساكو مش فاهمين هقول واعيد من الاول